今日快报
《爱回家》开P！林淑敏43岁生日收美人鱼蛋糕
处境剧《爱．回家之开心速递》演员戏内戏外都系大家庭，17号系「大小姐」林淑敏43岁生日，一众演员齐齐为寿星女庆祝。当晚就算要开工，佢哋早已预备咗个充满少女feel嘅美人鱼蛋糕，齐齐喺TVB饭堂开「派对」，着上斜膊裙上阵嘅林淑敏大骚香肩，非常省镜。
除咗林淑敏，原来「金城安」周嘉洛及「Icy」岑杏贤同为十月之星，林淑敏上载当晚合照，并留言：「生日都系一个开开心心大家围埋食饭的借口。感恩我身边的人和事都如斯美好！我祷告求耶稣祝福我身体健康，感恩和知足，有能量好好爱着身边的人！感谢主，阿门！很喜欢 #好爸bar 原来身边有好多 #十月寿头 谢谢您们的蛋糕」
镜头得几秒！《解决师》陈伟洪嗌可惜
陈伟洪（Calvin）喺热播中嘅剧集《解决师》演警方卧底「关成海」，日前播出嘅一集话佢被杀后弃尸大海，令唔少观众都大感可惜！Calvin指呢场戏令佢非常难忘，皆因佢身上嘅伤势都化咗超过2个钟：「其实有6个人帮我化呢个受伤妆，系一个好花心机嘅妆，最后只系喺镜头呈现得几秒，我都觉得有啲可惜，因为化妆嘅同事真系花咗好多心思，不论伤口、刀疤同纹身都做得好似，睇相都觉得好惊。」
Calvin又指有唔少动作场口，但有啲都删减咗：「希望迟啲有足本嘅版本畀观众睇到，唔只我哋演员落力，幕后工作人员都度得好辛苦，为求呈现最好嘅畀观众。」
孖靓靓组团去普陀山 张智霖可爱丸子头抢镜
袁咏仪（靓靓）同老公张智霖（Chilam）非常诚心，每年都会去杭州普陀山祈福，今次仲联同蔡一智夫妇及周汶錡等人一齐去！
靓靓喺微博上载多张合照，留言：「在天朗气清的时候圆满了，今年的普陀山之旅，简简单单、吃喝玩乐气氛下回程，有时候生活就是这样简单。」当中亮点就落喺Chilam头上，事关佢戴上黑超扎咗个丸子头，Chok得嚟又咁Cute，果然系男神先Carry得到！而网民都捕获到两人Sweet爆拖手嘅时刻，去到边都拖到实真系令人羡慕！
张馨月无啦啦变男仔头 林峯知道吗？
林峯与女友张馨月感情稳定，早前二人亦在港低调入纸排期结婚，有指佢哋先喺欧洲举行浪漫盛大婚礼，之后再回港同内地摆酒，合共5个地方嘅婚礼。待嫁嘅馨月心情大靓，佢仲喺网上晒出多张单人照，不过见佢短发look上阵，摆出各个chok甫，简直型到爆，同chok王林峯有得挥，难怪馨月都搞笑话：「短发系列，其实我是个男仔。」唔少网民都好惊讶馨月剪到咁短，仲有人问佢系真剪定假发添！
霆锋知唔知？王菲前后脚离开李亚鹏寓所
王菲感情生活向来受到关注，先后嫁给窦唯及李亚鹏，可惜第二段婚姻至2013年便告终，离婚后与旧爱谢霆锋重燃爱火，拍拖至今。王菲与前夫李亚鹏关系「再见亦是朋友」，两人不时因女儿窦靖童和李嫣而聚头。近日，二人被拍到前后脚现身李亚鹏寓所，晚上九时多李亚鹏从住所外出，直到凌晨一时左右，王菲在友人陪同下离开，期间与友人不时说笑，可见心情大靓，而手上亦拿住一袋二袋购物袋，似乎收获丰富。
往期内容
↓↓↓添加Miss.K个人号↓↓↓欢迎勾搭
?转载授权微信：lama129
? 商务QQ：1900556960香港娱乐八卦尽在HKChannel
你在看吗？
